Daku iyang pasalamat sa pagbansay tungod daghan siyag nahibaluan ug dili na siya maglisud pagpangita og buyer sa iyang produkto nga kaniadto isubasta na lamang niya ang mga abot nga gulay gikan sa kaumahan aron lamang mahalin ug makauli na. Mas nadugangan pa gyud iyang kita tungod maayo na ang tubo sa iyang tanum sa dihang natudluan kini sa pagdumala sa mga tanum gumikan sa iyang pagsalmot sa Farmers Field School kun FFS. Daghang mag-uuma sab ang natudluan sa bag-ong teknolohiya sa panguma ug pagpakgang sa mga peste ug sakit sa tanum tungod mao kini ang sagad sa problema sa mga mag-uuma tungod niini makasiguro na nga makab-ot ang saktong supply sa pagkaon sa syudad sa Butuan. Sa pag abot sa Agriboost Project naengganyo sab kining mohatag og gulay sa Agrihub. Klaro na ilang kita tungod duna nay saktong buyer ug maayong presyo. Usa sa prayoridad ni Mayor Ronnie Vicente Lagnada ang Agriboost Project aron masuportahan ang mga mag-uuma nga mokita og daku ug dili na usab mukuha o muangkat og supply sa gulay sa laing dapit ang mga vendors ning syudad.