Gipasidunggan sa mga miyembro sa 15th Sangguniang Panlungsod sa pagpanguna ni Vice Mayor Joboy Aquino II ang nag top 10 sa Geodetic Engineer Licensure Exams adtong Disyembre tuig 2021 nga si Maria Belinda Dolinog Campana. Lumulupyo sa Barangay Bilay ning syudad sa Butuan si Campana nga nakakuha og ratings nga 86.60%. Gipasa ni City Councilor Atty. Glenn Carampatana ang SP Resolution No. 15-003-2022 isip pag-ila ug paghatag og medal of academic excellence ug cash awards kang Maria Belinda Campana subay sa SP Ordinance no. 5545-2018. Si Maria Belinda produkto sa Caraga State University sa Barangay Ampayon ning syudad sa Butuan. Ang paningkamot ug pagsalig sa ginoo maoy gihimong inspirasyon aron makab-ot niya ang iyang pangandoy. Sa karon adunay mga gitanyag nga trabaho sa pribadong kompanya kang Maria apan plano usab niya nga muapply sa mga ahensiya sa gobyerno.