Panagsa lamang sa mga kababaenhan ang dunay interes nga mosulod sa Philippine Military Academy kun PMA. Pero ang 22-anyos nga si 2nd Lieutenant 𝗡𝗶𝗰𝗼𝗹𝗲 𝗕. 𝗦𝗮𝗿𝗺𝗶𝗲𝗻𝘁𝗼 ang usa sa mga kababaenhan nga wala nagduha duha nga atubangon ang hagit sa PMA. Civil Engineering unta ang kuwaon ni Nicole pero tungod nadawat siya sa academy, gipili niya kini aron masukod niya ang iyang kaugalingon nga kaya niya. Wala kini gipakyas ni Nicole, gani nahimo pa siyang Top 3 nga milampos sa Philippine Military Academy. Sa nakab-ot nga kalampusan, dinhi niya napamatud-an nga kaya sa kababaenhan ang PMA. Walay laing inspirasyon si Nicole kundili ang iyang mga ginikanan ug mga igsoon nga maoy ginakuhaan niya og kusog labi na sa mga panahon nga anaa sa siya sa iyang lowest point sa iyang kinabuhi. Baon ni 2nd Lieutenant Nicole ang mga nakat-onan niya sulod sa akademya ug disiplina nga maoy makatuhop kaniya sa kinauyokan sa iyang pagkatawo. Plano ni Sarmiento human saiyang bakasyon mao ang pag balik sa headquarters sa Baguio City.