Konsepto lamang sauna, apan karon nag operate na isip pinaka una nga Ecological Village nga kan-anan sa syudad sa Butuan. Ang utok sa konsepto niini mao si 𝗢𝗹𝗶𝘃𝗲𝗿 𝗤𝘂𝗶𝗮𝗼 𝗧𝗲𝗿𝗮𝗻𝘁𝗲. Uban ang pamilya ni Oliver, duha ka dekada na kining nag trabaho isip Overseas Filipino Worker. Na-apektohan ang iyang trabaho tungod sa pandemya ug nagdesisyon kini nga mouli sa Butuan. Bisan asa man moabot si Oliver, dala niya kanunay ang pagkamahiligon sa pagtanom. Sa iyang pag-uli sa Butuan, wala niya gihunong ang organic gardening nga nahimong tulay aron matukod ang OLIVIER. Sustainable Agriculture ang konsepto sa OLIVIER pinaagi sa organic nga pag buhi sa mga hayop sama sa baboy ug manok nga gamiton sa ilang restaurant. Ang tanum nga gulay usab organically nga gipatubo. Wala damha ni Oliver nga ang iyang kalingawan nga magtanum sa mga prutas ug gulay, usa na ka pamaagi aron mapa-ambit niya ang kamahinungdanon sa healthy living nga lifestyle. Natukod niya ang Farm-to-Table nga restaurant nga konsepto ug karon nakita niya nga gidayo na sa mga Butuanon ang iyang kan-anan. Garbo ni Oliver ang pagtukod sa restaurant tungod nakita lamang niya sa una sa Western Europe ang maong konsepto, apan karon usa na ang OLIVIER nga micro version niini. Ang disiplinado nga indibidwal sa iyang mga gikaon maghatag og kalipay sa kinabuhi ug mas baskog nga kalawasan para sa taas nga kinabuhi.