Maingong Most Promising Enterpreneur ang 24-anyos nga si 𝗗𝘆𝘇𝗮 𝗗𝗶𝘇𝗼𝗻. Hands-on kini sa iyang 12.25 coffee house diin siya mismo ang nagpili sa flavor ug naghimo niini. Dinhi sa gamayng pwesto nga take out counter sa may Gomez Street, Butuan City, ginadagsa sa mahiligon sa kape ang iyang Matcha ug Caramel Macchiato. Wala niya damha ang dakung suporta sa mga taga Butuan sa iyang gamayng negosyo. Gisugdan ni Dyza ang 12.25 miaging tuig saila mismong balay. Gipanindot niya ang ilang garahean para kung dunay gusto mo bisita nga customer maka tambay samtang nag inom sa kape nga gi-order. Taas ang nahimong preparasyon aron matukod niya kini nga negosyo. Niadtong kolehiyo pa lang siya naga coffee hopping siya sa lain-lain nga kapehan sa Davao para matilawan ang nagkalain-lain nga beans nga pasok saiyang taste buds ug gina-estudyohan niya kini. Sama sa uban nga nag-negosyo, miagi sa mga pagsulay si Dyza ug nasukod ang iyang determinasyon nga mapadayon ang iyang gisugdan nga negosyo. Apan tungod sa iyang mindset ug positive outlook sa iyang negosyo, nagpadayon kini hangtud karon. Mensahe ni Dyza alang sa mga kababainhan nga padayon ug dili mo buhi sa pangandoy ug mga damgo tungod wala nato nahibaw-an ang umaabot. Padayon, para makab-ot ang gusto nga pangandoy sa kinabuhi.