PERSONALITY OF THE WEEK - 𝗗𝗿. 𝗥𝗲𝗻𝗮𝘁𝗼 𝗝𝗼𝘀𝗲 𝗩𝗶𝗹𝗹𝗮𝗻𝘂𝗲𝘃𝗮
July 27 2023, Thursday 09:07 AM
Gi adbokasiya ni 𝗗𝗿. 𝗥𝗲𝗻𝗮𝘁𝗼 𝗝𝗼𝘀𝗲 𝗩𝗶𝗹𝗹𝗮𝗻𝘂𝗲𝘃𝗮 ang Healthy Lifestyle dili lamang sa iyang mga pasyente lakip na sa iyang tibouk pamilya.
Para kang Dr. Villanueva, ang pagpili sa insaktong pagkaon makatabang nga malikay ang tawo sa unsa mang sakit.
Ang anak ni Dr. Villanueva dunay Type 1 Diabetes mao nga dakung adjustment ang ilang gihimo labi na sa pagdisiplina sa pagkaon.
Tungod niini, giwala na ang unsa mang pagkaon nga dunay sugar aron lamang mapaubos ang nagkataas nga sugar count sa iyang anak.
Dinhi siya nadasig sa pagkampanya sa High Fat-Low Carb diet sa iyang mga pasyente lakip sa iyang pamilya.
Ang nasangpit nga diet mao ang pagkaon sa whole foods sama sa karne sa baboy, baka, manok, gulay ug gamay nga prutas.
Nagtoo siya nga ang pagkaon sa insakto makapaayo sa panglawas ug makalikay sa sakit partikular na sa hypertension ug diabetes.
Numero uno niyang ginadili ang pagkaon og mga tam-is ug ilimnon nga dunay sugar tungod mao kini maka trigger sa nagkalain-lain nga sakit.
Si Dr. Renato Jose Villanueva o Dr. RJ nga taga Barangay Golden Ribbon, dunay clinic ug gym nga andam motabang sa mga residente sa pag kab-ot sa healthy lifestyle.
NEWS ARTICLES