Padayon ang pag ayo karon sa naguba nga mga Conveyance Pipe o Transmission Line sa Taguibo Aquatech Solutions Corporation kon TASC. Tungod sa kusog nga ulan ug hangin dala ni Bagyong Odette usa ka bulan na ang milabay, nikusog ang bul og sa tubig hinungdan nga naibot ang 1,100mm dayametro nga tubo nga kabahin sa Conveyance pipeline gikan sa dam padulong sa treatment facility. Sa pagkaguba ug pagbanlas sa walo ka 8 feet nga conveyance pipe o ang transmission line sa TASC, gisugdan dayon og dali ang pag-ayo sa maong transmission line aron magamit na kini paingon sa treatment plant. Samtang padayon ang gipahigayong pagkabot sa reservoir area, ang TASC migamit og 2 volume pumps aron maka suplay og raw water sa treatment plants subli nga maka produce dayon og treated water. Padayon nga nakig alayon ang TASC sa BCWD aron hinay-hinay na nga mapabalik ang tubig. Target nga mahuman ang restoration sa conveyance pipe karong katapusan sa Enero.