Natapos na ang pagsemento sa mga kadalanan sa pipila ka barangay sa syudad sa Butuan base na sa report sa City Engineers Office. Kini gilangkuban sa Montivilla St. (gikan DENR XIII) Barangay Ambago, Purok 7,8,10 ug 14 Barangay Doongan, El Salvador Street, RAM Ariola Barangay Doongan, Acostaville Barangay Libertad, Fernandez Street paingon City Jail Barangay Libertad, Purok 3 Barangay Libertad, road-1 Village 2 Barangay Libertad, JCT Barangay Ambago- Barangay Lumbocan road paingon sa Emenville Road 1 ug 2. Samtang nagpadayon pa ang pagsemento sa mga dalan sa Village 2 Barangay Libertad Road 2 hangtud road 6. Gihingusgan ni Mayor Engr Ronnie Vicente C. Lagnada pinaagi sa City Engineers Office nga makonkreto ang kadalanan sa nagkadaiyang kabarangayan nga dugay-dugay nang giantos sa mga residente. Kini nga proyekto ilawom sa proyektong Road Gaps III sa nasangpit nga buhatan.