Ang heat index (init factor o damang init) mao ang kainit/kaigang/kapaso nga mabati sa lawas sa tawo tungod sa taas nga temperatura ug taas nga relative humidity nga kasagaran masinati sa kaudtohon ug sayo sa kahapunon. Nagahatag kini og peligro sama sa heat cramp, heat exhaustion ug heat stroke labi na sa mga tawo nga taas nag edad ug sa mga adunay gipangbating sakit sa kalawasan. Giabisuhan ang mga residente sa pag-inom pirmi ug tubig, pagdala og payong proteksyon sa kainit, ug kanunay magmonitor sa PAGASA alang sa mga kinahanglang buhaton sa init nga panahon.