Mitaas ang koleksyon sa City Treasurers Office sa bulan sa Disyembre tuig 2021 kini gumikan sa koleksyon sa business tax, market fees, bus terminal fees, tabo-an fees, slaughterhouse fees, certificates, clearances, ug uban pang taxes ug fees. Nakapataas sab sa koleksyon sa buhatan ang gipatumang paghatag og 20% discount sa mga real property tax payer adtong bulan sa Disyembre tuig 2021 alang sa bayronon karong tuiga 2022. Tungod sa paghatag og diskwento ug tax relief midagsa sa buhatan ang mga tax payer aron mapahimuslan ang maong oportunidad. Gipahibalo sab sa buhatan nga abli kini Lunes hangtud Sabado alas otso sa buntag hangtud alas singko sa hapon (8am-5pm) karong bulan sa Enero 2022. Striktong gimonitor ang koleksyon sa syudad ug gisiguro kining mabutang sa panudlanan sa gobyerno asa mao usab ang kuhaan alang sa mga proyektong imprastraktura ug malahutayong programa alang sa katawhan sa dakbayan. Gipaniguro ni Mayor Engr. Ronnie Vicente C. Lagnada nga dili mausik ang buluhisan sa katawhan ug dunay saktong plano ang pagdumala niini.