Midawat og Loyalty ug Service Award ang 146 ka mga empleyado ug retirees sa LGU Butuan atol sa gipahigayong Conferment Awards 2021 kagahapon sa pagpanguna sa City Human Resource and Management Office. Kinse ka mga empleyado ang nakakuha og Certificate of Recognition lakip 10,000 pesos isip 10 Years Loyalty Awardees, pito ka empleyado nga nakakuha sa 15 Years Loyalty Award, 18 ka empleyado ang gitagaan sa 20 Years Loyalty Award, walo ka 25 Years Loyalty Award, 23 ka indibidwal alang sa 30 Years Loyalty Award, 15 ka empleyado ang sa 35 Years Loyalty Awards, ug tulo ka empleyado ang narekognisa sa 40 Years Loyalty Award. Nakadawat sila og 5,000 pesos matag usa. Singkwentay siete sab ka retirees ang gitagaan og tag 10,000 pesos isip Service Award gikan sa LGU Butuan.