Giturn over sa Butuan City Chamber of Commerce & Industry Foundation Inc. ngadto sa LGU Butuan ang ilang gidonar nga mga ginalon nga 70% Ethyl Alcohol. Kining mga alcohol maoy idugang nga gamiton sa mga frontliners sa syudad nga anaa sa mga vaccination post, mobile vaccination, ug sa mga quarantine facilities. Una lamang kini nga batch sa gihatag sa Butuan City Chamber of Commerce & Industry Foundation Inc., para sa mga frontliners sa LGU-Butuan ug gilauman nga duna pay mosunod nga mga donasyon. Mipaabot usab og tabang ang grupo sa mga naapektuhan sa Bagyong Odette sa Surigao City ug Dinagat Islands. Mapasalamaton ang Lokal nga Panggamhanan sa dugang nga donasyon nga alcohol.