Gikalipay sa Enterprise Resource Planning Team kun ERP Team nga nakasulod sa 15 nga Grand Prize Winner ang Butuan City sa 2021 Bloomberg Philanthropies Global Mayors Challenge. “Grabe ang kalipay grabe ang joy nga nasinati sa akoa sa kong pod team ug syempre sa core team sa Agriboost Project dako kini nga kadaugan para sa amoa and of course para sa dakbayan sa Butuan,” sumala ni John Paul Quiňal, ERP Team Leader. Namugna ang Team sa ERP tungod sa plano niining tabangan ang mga mag-uuma ug tricycle drivers pinaagi sa social enterprise. Nakita sa grupo nga ang nasugdan nga pagtabang sa mga mag-uuma duol ang konsepto niini sa Agriboost Project nga usa nga matabangan ang mga mag uuma sa livelihood niini ug prices. Sa pagsugod sa proyekto unang lakang nga nahimo mao Hacktivist Summit diin dinhi gipakita ang nagkalain-laing grupo nga mipakita sa lain-laing ideas nga pilian alang sa himoung entry sa kompetisyon. Dinhi nakig alayon ang city government sa Butuan sa ERP Team aron magtinabangay sa pagmugna sa proyekto nga alang sa 2021 Bloomberg Philanthropies Global Mayors Challenge 2021. Plano karon sa grupo nga mapatuman ang phase 3 sa proyekto aron makahatag pa kini og mas detalyado nga solusyon para sa mga mag-uuma. “Makahatag pa kini og mas detalyado pa nga solusyon para sa mga farmers nato ato pang iimprove ang agribloom, agriboost ug agrihub ug ang uban pang innovations nga among iadd up and of course with the guidance of Sir Panpan, Sir Vic and Jeunace,” dugang pa ni Quiñal.