Gi-aprubahan na ni Vice Mayor Jose Aquino II ang SP Resolution No 004-2022 nga nag-ila ug naghatag pasidungog pinaagi sa paghatag og medal of academic excellence ug cash incentives sa usa ka Butuanon nga nag Top 10 sa Geodetic Engineering Licensure Exams nga si Maria Belinda Dolinog Campana. Nakakuha si Campana og 86.60% nga rating sa Geodetic Engineering Licensure Exams adtong Disyembre 2021 didto sa Davao City. Si Campana lumulupyo sa Barangay Bilay ning syudad sa Butuan, produkto sa Caraga State University ug migradwar sa elementarya ug sekondaryang Validectorian. Gipangunahan ni City Councilor Glenn C. Carampatana ang pagpangamahan sa SP resolusyon pinasubay sa SP Ordinance No. 5545-2018 o mas naila nga Butuanon Topnotchers Ordinance asa mao ang pag-ila sa gihatag niining dungog sa syudad ug sa tulunghaan.