𝗠𝗮𝗮𝘆𝗼𝗻𝗴 𝗯𝗮𝗹𝗶𝘁𝗮 𝗮𝗹𝗮𝗻𝗴 𝘀𝗮 𝗺𝗴𝗮 𝗕𝘂𝘁𝘂𝗮𝗻𝗼𝗻. Usa ang dakbayan sa Butuan sa mipasar sa 𝟮𝟬𝟮𝟯 𝗚𝗼𝗼𝗱 𝗙𝗶𝗻𝗮𝗻𝗰𝗶𝗮𝗹 𝗛𝗼𝘂𝘀𝗲𝗸𝗲𝗲𝗽𝗶𝗻𝗴 sa Department of Interior and Local Government kun DILG. Sitentay otso ka mga lokal nga panggamhanan sa rehiyon Caraga ang gi assess sa DILG ug kwarentay uno lang niini ang mipasar lakip na dinhi ang Butuan City. Sukad sa pagsugod niini tuig 2010, ang GFH nagsilbing assessment tool nga gigamit sa pagsukod sa performance sa lokal nga panggamhanan sa pagpatuman sa citizen engagement pinaagi sa transparent nga pagreport sa public budget ug expenditures. Ang GFH usa usab sa mga core components sa Seal of Good Local Governance nga nagagamit og mas komprehensibo nga ebalwasyon sa administrative capacity-building efforts sa lokal nga panggamhanan. Mapasalamaton ang LGU Butuan sa pagpanguna ni Mayor Ronnie Vicente Lagnada sa nasangpit nga pasidungog nga nag ila sa episyenteng service delivery function sa syudad.