Gisugdan ning adlawa ang Business One Stop Shop kun BOSS sa pagpanguna sa Business Permits and Licenses Division nga gipahigayon sa Robinsons Place Butuan. Mihatag og higayon ang mga nanag iya og patigayon aron sa pag renew ug pag apply og Business Permit alang sa tuig 2022. Usa si Ben Dacera nga mirenew sa iyang business permit sa unang adlaw sa BOSS. Alang niya, nahimong dali ang pag renew labi pa kung kumpleto ang dala niining rekisitos. Kinse minutos lang ang paghuwat niini ug nakuha na dayon niya iyang Business Permit gikan sa pag dawat sa buhatan sa BPLD sa kumpleto nga requirements. Ang Business One Stop Shop molungtad hangtud sa katapusan sa bulan sa Pebrero.