Baynte singko ka mga indibidwal ang naka benepisyo sa scholarship alang sa Driving NC II. Nakakat-on sa insaktong pagmaneho og sakyanan ug lakip na usab ang pagkahibalo sa mga parte sa sakyanan ang mga benepisyaryo, Ang ilang nahibal-an mamahimong magamit nila sa ilang pagpangita sa trabaho. Ang mga scholar sa programa makadawat og 160 pesos kada adlaw sulod sa 15 ka adlaw ug adunay dugang nga 1000 pesos alang na sa ilang personal protective equipment ug internet nga gamiton alang sa training. Ang scholarship program hatud sa Training for Work Scholarship Program kon TWSP sa Driving NC II nga gipangunahan sa Technical Education and Skills Development Authority kon TESDA pinaagi sa Butuan City Manpower Training Center kon BCMTC. Nagsugod ang training niadtong Disyembre 27, 2021 ug mahuman karong adlawa. Alang sa dugang kasayuran kalabot na sa mga gikinahanglang rekisitos mamahimong mubisita sa FB Page sa Butuan City Manpower Training Center o text/tawag sa 09306383901