Gipasabot ni Butuan City Vice Mayor Lawrence Fortun sa duha ka Little Officials nga sila Little Mayor Simonne Alexandra Paeste ug Little Vice Mayor Chyla Amor Joson ang tinguha ug padulngan sa programang RACE 16:16. Kini atol sa pagbisita sa duha ka little officials sa buhatan ni Vice Mayor Fortun. Gisaysay ni Vice Mayor Fortun nga ang programa nagtinguha sa pagpadali ug pagpahapsay sa proseso sa tanang gipanday ug giduso nga resolusyon ug ordinansa sa Sangguniang Panlungsod. Lakip na ang istriktong pagmonitor sa pagpatuman niini alang sa pagpausbaw sa serbisyo sa katawhan. Kini nga kalihukan kabahin usab sa National Childrens Month Celebration 2024.