Pormal nga gisugdan ang kasaulugan sa Linggo ng Kabataan 2024 sa Robinsons Place Butuan, kagahapon. Gipasundayag sa kabataan ang ilang talento sa pagsayaw , pagkanta (duet), ballroom, chorale, ug uban pa alang sa mga nanan-aw nga mga ginikanan ug batan-on gikan sa managlahing eskwelahan sa syudad sa Butuan. Sumala kang Danella Enriquez, alumna sa Agusan National High School nga isip performer importante ang aktibidad tungod makadugang kini og self confidence gawas nga mapakita nila sa katawhan ang ilang talento. Ang Linggo ng Kabataan gina selebrar matag bulan sa Agosto alang sa mga kabataan para mag hatag og platform ug importansya kanila sa komunidad. Usa kini ka semana nga kasaulugan nga gipangunahan sa City Education Development Department kun CEDD kauban ang City Youth Development Council kun CYDC, ug SK Pederasyon ng Butuan.