Nahimong pinasahi ang natigayong Culinary Show ug Challenge tungod bag-o sa tanan ang giluto sa unom ka partisipanteng mga Chef sa dakbayan sa Butuan labi na ang Patani Chicken. Sa unang kategorya giluto sa mga Chef ang Patani o black meat chicken dayun gisunod ang ikaduhang kategorya ang Agriboost Market Basket o mga gulay nga gikan sa Agrimart Flagship Store asa mga produkto sa mga Agriboost Champion. Sa kategoryang Patani Chicken nahimong champion ang Lime and Zest Kitchen nga nakadawat og cash prize nga 10,000 pesos, 1st runner up ang Pares Ta nga nakadawat og 7,000 pesos, 2nd runner up ang Angkol Bammz Pares atbp nga nakadawat og 5,000 pesos. Midawat sab og consolation prize nga tag 2,000 pesos ang ubang grupo nga gilangkuban sa Blue Chef Global Academy, Homer Catering Services ug Natad ni Olympia. Samtang sa Agriboost Market Basket nahimong champion ang Pares Ta nga nakadawat og 10,000 pesos, 1st runner up ang Homer Catering Services nga nakadawat og 7,000 pesos, 2nd runner up ang Lime and Zest and Kitchen nga midawat og 5,000 pesos ug midawat usab og consolation prize nga tag 2,000 pesos ang Angkol Bammz Pares atbp, Natad ni Olympia ug Blue Chef Global Academy. Kini nga kalihukan kabahin sa Rural-Based Organization Fiesta and Product Innovation sa pagpanguna sa City Agriculture and Veterinary Department nga hugtanung gisuportahan ni Mayor Ronnie Vicente Lagnada aron ma promote ang mga produkto sa mga mag-uuma ug fisheries pinaagi sa mga bag-ong inobasyon alang sa kaayuhan sa sektor agrikultura. Katambayayong sa kalihukan ang prycegas, CABARAHA ug City Tourism and Cultural Affairs Department.