Sementado na ang mga dalan sa Barangay Maibu, Sumile ug Maguinda subay nasa gipahugtang proyekto ni Mayor Ronnie Vicente Lagnada. Buot ni Mayor Lagnada nga matagamtaman sa katawhan ang kabag-uhan pinaagi sa pagsugod sa maayong kadalanan alang sa pang adlaw adlaw nga panginabuhi sa tanang residente. Pinaagi niini, sayun na sab sa mga maghatod sa mga abot sa kaumahan ngadto sa merkado. Ang pagpangsemento sa kadalanan sa rural barangays usa sa prayoridad ni Mayor Ronnie Vicente Lagnada tungod dinhi nga mga barangay magsumikad ang pagpataas sa ekonomiya sa dakbayan gumikan sa agrikulturang produkto ug tourism industry. Subay niini gitahasan ni Mayor Lagnada ang City Engineering Department sa lokal nga panggamhanan sa Butuan sa pagpatuman sa proyekto ilawum sa programang Improvements of Various Rural Roads sa Butuan City.