"Right now, we want to level up what's the real meaning of Abayan. Abay means guide, we need to guide our people on how to protect the mighty Agusan, not just the Agusan river but the whole environment." Kini ang gipaabot nga mensahe ni Mayor Ronnie Vicente Lagnada atol sa kasaulugan sa Abayan Festival 2024 kagahapon. Alang kang Mayor Lagnada nga kinahanglan nga amumahon ang Agusan River lakip na ang mga gagmay nga sapa sa syudad tungod usa kini sa naghatag og panginabuhian sa mga tao nga maoy nag sustenar sa ilang pang adlaw-adlaw. Sayo pa lang sa buntag gisugdan na ang kasaulugan sa Abayan Festival 2024 sa PPA Grounds. Dunay gi-andam nga sayaw ug kanta ang Love and Mercy Community Inc., isip paghatag pasidungog kang Senyora Santa Ana. Sa mensahe sab nga gipaabot ni Vice Mayor Lawrence Fortun pinaagi kang Konsehal Joseph Omar Andaya, nanghinaot kini nga mamahimo unta nga lesson ang pagsaulog matag tuig sa Abayan, sa pang adlaw-adlaw para magpabilin ang kalipay, bayanihan, ug respeto sa matag usa. Atol sa selebrasyon gipahigayon sab ang Fluvial Float Parade sa Agusan River asa gisuroy si Senyora Santa Ana sa Agusan River. Anaa sab ang Mag Barangayan Kita diin nipartisipar ang 21 ka River Barangays nga mag decorate kilid sa suba. Ang aktibidad suportado sa lokal nga panggamhanan sa Butuan City nga ginaselebrar matag tuig alang sa pagpasidungog kang Senyora Santa Ana ug timailhan sa unang adlaw sa pagsaulog sa Adlaw Hong Butuan matag Agosto dos.