Nahimong bisita ang mga Geology ug Geodetic Engineering Topnotcher’s sa hawanan sa Sangguniang Panlungsod ning syudad atol sa natigayong 2nd Regular SP Session kagahapon. Anaa ang 9th Placer Jener Tindoy, 7th Placer Engr. Alma Rizza Hitalla Delfin, ug 10th Placer Engr. Queennie Rose Balaba. Ang tulo ka mga Butuanong topnotcher parehong produkto sa Caraga State University kun CSU sa Barangay Ampayon ning syudad. Sila nagtop sa gipahigayon nga 2024 Geologists Computer-Based National Licensure Examination ug 2024 Geodetic Engineering National Licensure Examination. Garbo sa syudad ang kalampusan sa tulo ug tungod niini mudawat sila og tag 10thousand pesos nga cash incentives subay sa resolusyon nga giaprobahan sa tibook SP ug ordinansa nga giaprobahan ni Mayor Ronnie Vicente Lagnada.