Nasakmit sa lokal nga panggamhanan sa Butuan ang ika upat nga pwesto sa natigayong 3rd Philippine Statistics Authority Quiz Bee Regional Elimination miaging semana sa Almont Inland Resort. Kini girepresentahan ni Engr. Lestan Morales sa City Agriculture Office. Gideklarang 1st place ang DepEd, 2nd place ang DSWD, ug 3rd place ang DENR samtang parehong 4th place ang NEDA ug LGU Butuan. Cash prize, tokens ug certificate ang nadawat sa mga midaug. Sa guidelines sa kompetisyon matag rehiyon dunay representante isip official contestants gikan sa Regional Statistics Committee RSC members ug kinahanglang contractual o regular employee kini asa employed na sa opisina gikan Agosto 1 tuig 2023. Ang first place ipadala sa kauluhan karong umaabot Oktubre 5, 2023 alang sa 3rd PSA Quiz Bee National Finals. Ang aktibidad kabahin sa selebrasyon sa 10th anibersaryo sa ahensya nga nagtinguhang makahatag sa kalidad nga serbisyo sa katawhan.