𝗟𝗚𝗨 𝗕𝗨𝗧𝗨𝗔𝗡, 𝗡𝗔𝗡𝗚𝗔𝗡𝗗𝗔𝗠 𝗡𝗔 𝗦𝗔 𝗕𝗔𝗟𝗔𝗡𝗚𝗔𝗬 𝗙𝗘𝗦𝗧𝗜𝗩𝗔𝗟 𝟮𝟬𝟮𝟱
January 23 2025, Thursday 01:32 PM
Nagsugod na sa pagpangandam ang lokal nga panggamhanan sa Butuan sa Balangay Festival 2025.
Gani, nanguna si Butuan City Vice Mayor Lawrence Fortun sa gipahigayong Balangay Festival 2025 Coordination Meeting kaganinang buntag kauban ang partner stakeholders, regional line agencies ug pipila sa mga buhatan sa LGU Butuan sa City Mayors Conference Room 2 City Hall ning syudad.
Tumong niini nga mahimung plastar ug hapsay ang matanyag nga mga kalingawan sa mga Butuanon ug mga bisita.
Gipresentar dinhi ang nakahan-ay nga mga aktibidad ug gipaminaw ang mga suhestyon sa mga partners.
Pipila sa mga atangan sa Balangay Festival 2025 ang mga performances sa guest performers ug artist, Bugsay Competition sa Agusan River, SIAB with touch of Butuanon delicacies, Culinary Festival, Biswal Balangay Art Exhibit and Competition, Basketball Exhibitions, Balangay Open Tennis 2025, Ist Enduro Mountain Bike, Student Cruise, Mutya Hong Butuan 2025 ug uban pa.
Gipresentar sab sa meeting ang traffic management plan ug site plan sa sports complex ug river park asa makita ang nagkadaiyang events.
Mipaabot sa pasalamat si VM Fortun sa kooperasyon ug sa tanang misanong sa kalihukan alang sa mas bibo nga Balangay Festival 2025.
NEWS ARTICLES