Christmas feels na sa Butuan City kini human sa Light up Butuan kagabie sa City Hall ground. Gidagsa sa katawhan ang tibook City Hall grounds aron saksihan ang Kasadya Hong Pasko Ngani Butuan Light Up Ceremony December 1. Gisorpresa sa Sidlak Dance Ensemble ang mga bisita sa usa ka maanindot nga sayaw sa opening salvo nga inspired ang white christmas nga puno sa panaghiusa ug gugma. Gipangunahan ni Mayor Ronnie Vicente Lagnada uban ni Vice Mayor Law Fortun, SP members ug Mutya Hong Butuan ladies ang seremonya sa Switch-On sa nakataod nga christmas lights ug christmas tree sa palibot sa City Hall ning syudad sa Butuan. Nasurpresa sab ang tanan sa kapin 20 minutos nga fireworks display ug performance sa Guest Performer nga si Boobsie Wanderland ug Guest Band nga Broriginals. “Tonight is a celebration of the very important milestone that we have achieved in the last eight or nine years,” kini ang tipik sa mensahe ni Vice Mayor Lawrence Fortun. Dugang pa ni VM Fortun nga daghan pang muabot nga kalambuan sa syudad kung padayong nagkahiusa ang tanan alang sa mas hayag nga kaugmaon sa tanan. “What is lighting up? It’s the beacon of light and we know hope we should start lighting up not only our inspiration but to light up that there is hope at the end of the tunnel.” mensahe ni Mayor Ronnie Vicente Lagnada.