Gipasalamatan ni Butuan City Mayor Ronnie Vicente Lagnada ang duha ka empleyado sa lokal nga panggamhanan sa Butuan nga bag-uhay lang meritero sa LGU Butuan atol sa natigayong Management Committee Meeting sa Almont Inland Resort kagahapon. Gi-ila ang dedikasyon ug paghatag sa matinud anong serbisyo sa syudad sa Butuan nila Dr. Mancio Danilo Alegado, kanhi City Veterinarian ug Amalia Que kanhi City Registrars Head. Sa mensahe ni Mayor Lagnada, gibutyag niini nga kabahin ang mga retirees sa daghang nakab-ot nga kabag-uhan sa syudad ug nanghinaut kini nga mag enjoy ang duha samtang mi-retiro na. Mihatag sab sa mensahe isip pasalamat ang mga kaubang Department Head sa lokal nga panggamhanan sa Butuan ug gibalikan ug gidumdom niini ang mga malipayong kaagi kauban ang duha ka retirees.