Daku ang kalipay sa usa ka Agriboost Farmer nga si Sheila Maglines sa padayong pagpanindot sa dalan sa Barangay Nongnong ning syudad. Sumala pa niini sukad nga nakonkreto na ang dalan sa barangay Nongnong malinawon na ang dapit ug hayahay na ang pagbyahe sa mga abot sa mga mag-uuma ug bisan man sa panahon sa emerhensya paspas na ang byahe ug wala nay mabating kalisod sa dalan. Kini gumikan sa proyektong pagpadayon sa pagpanindot sa access road leading to declared tourism destinations hangtud National Road Junction Butuan City Malaybalay Road nga muagi usab sa Barangay Bitan-agan padulong Barangay Nongnong ug Mt. Mayapay. Kini nga proyekto naila usab sa East to West Lateral Road asa konektado na ang agricultural provinces nga magpadako ug magpataas sa ekonomiya sa dakbayan sa Butuan apil na ang pagdagsa sa economic opportunities. Lahos-lahos na usab ang pag agi sa mga byahedor tungod sa proyektong NRJ BCIR padulong NRJ Butuan City padulong Malaybalay road via Dumalagan padulong Nongnong padulong Bit-os Diversion Road Butuan City. Sa pagkompleto sa nasangpit nga mga proyekto lauman ang pagtaas sa ekonomiya sa dakbayan sa Butuan ug tibook rehiyon Caraga gumikan sa paspas nga byahe sa tanang produkto. Gisiguro ni Mayor Ronnie Vicente Lagnada ang partnership sa regional line agencies aron modagsa pa ang daghang proyektong imprastraktura sa dakbayan sa Butuan.