Mipadayag sa hugot nga suporta pinaagi sa Ceremonial Pledge of Commitment sa Community-Based Monitoring System ang 86 ka barangay sa Butuan City pinaagi ni Liga ng mga Barangay President Gemma Tabada. Lakip sab nga mipakita sa suporta ang mga CGB Departments pinaagi ni Acting City ICT Officer Engr. Dennis Mallonga, Civil Society Organization pinaagi ni Dr. Victor Emmanuel Ozarraga ug City Councilor Rey Desiata. Kini atol sa gipahigayon nga Entrance Conference sa Butuan City Community-Based Monitoring System dinhi sa Balanghai Hotel and Convention ning syudad. Importante ang makuhang datus sa CBMS asa idumala sa lokal nga panggamhanan sa Butuan isip mao ang mamahimong component sa pagmugna og centralized database nga maoy gamiton sa command ug data center nga nahimutang sa Barangay Villa Kananga alang sa mas paspas nga paghatod sa serbisyo sa katawhan.