Nakadawat og tag 3000 pesos ang 840 ka Butuanong beneficiaries sa Ayuda sa Kapos ang Kita Program kun AKAP sa Department of Social Welfare and Development kun DSWD, miaging Biyernes. Kini pinaagi sa paningkamot ni Congressman Jose Aquino II uban ni Mayor Ronnie Vicente Lagnada. Ang payout gipahigayon sa Baan Km3 Covered Court nga gitambungan usab sa mga Kapitan sa 86 ka barangay sa syudad sa pagpanguna ni Liga President Butuan City Chapter Gemma Tabada. Gisiguro sa lokal nga mga opisyales sa Butuan City nga madawat sa katawhan ang angay nga ayuda sa ingon matabangan kini sa pang adlaw-adlaw nga galastusan labi na sa nagtaas nga presyo sa mga pamaliton.