Gihingusgan ni Mayor Ronnie Vicente Lagnada nga mapatuman ang 8th Leg sa Butuan On Wheels sa Barangay Los Angeles ning syudad sa Butuan hinungdan hugot na ang pagpangandam niini sa lokal nga panggamhanan sa Butuan. Sa gipahigayong meeting kagahapon,usa-usang mipresentar ang pipila ka mga buhatan sa updates sa pagpangandam sa aktibidad uban sa upat ka barangay nga benipisyaryo nga gilangkuban sa Barangay Los Angeles, Baoboan, Sto Niňo ug Sumilihon. Tungod niini laumang daghang itanyag nga mga serbisyo alang sa katawhan ilabina sa mga lumulupyo sa upat ka barangay sa syudad sa Butuan. Ang Butuan On Wheels usa sab sa paagi nga mahatagan sa higayon ang mga punong barangay nga makigpulong kang Mayor Lagnada aron personal mapaabot ang nag-unang concern ug issues sa matag barangay.