Nakadawat sa benepisyo sa AICS Program ang laing batch sa mga Butuanon sa gipahigayong pay-out sa Barangay Tungao ning syudad miaging semana. Nakadawat og tag 4000 pesos matag usa ang 645 ka mga Butuanon pinaagi sa programa sa pagpangusog sa Congressional District Office ni Congressman Jose Aquino II. Kini aron padayong mapatuman ang programa sa tabang sa Department of Social Welfare and Development DSWD Caraga aron matabangan ang tanang benepisyaryo sa inadlaw nga panginahanglanon sa panimalay. Ubay-ubay sa mga benepisyaryo mga Senior Citizens ug Person with Disabilities nga mapasalamaton sa tanang ayudang nadawat gikan sa gobyerno gumikan usab sa mga opisyales nga nagpaluyo sa programa. Sa karon niabot na sa 21,077 ka mga Butuanon ug mga residente sa lungsod sa Las Nieves sa Agusan del Norte ang nakabenipisyo sa AICS Program sa DSWD ug TUPAD Program sa DOLE sugod tuig 2022 sa kadumalahan ni Congressman Aquino.