Migradwar na ang 588 nga Butuanong Rice Farmers ug 63 nga Butuanong Coconut Farmers sa gipahigayong School on the Air kun SOA Mass Graduation Ceremony sa Balanghai Hotel and Convention ning syudad. Ang SOA usa ka distance learning technology package sa agriculture-aquaculture nga gipatuman sa ATI pinaagi sa tabang sa DA-Caraga ug mga local government units. Nagtanyag kini og tulo ka kurso nga naglangkub sa Smart Rice Agriculture kun SRA, Coconut Production ug ang Rice Competitiveness Enhancement Fund kun RCEF asa nakabenepisyo ang mga mag-uumang gikan sa probinsya sa Agusan del Norte ug Butuan City. Nasayran nga apil ang urban agriculture, corn production ug farm mechanization ang mga kurso nga itudlo usab sa mga mag-uuma kini sa katuyuang mapalapdan ang kapasidad sa mga mag-uuma sa rehiyon nga mu-adopt sa mga bag-ong teknolohiya sa ingon sayon na kanila ang pagdumala s a tagsang kaumahan ug kita niini. Gipahugtan sa lokal nga panggamhanan sa Butuan pinaagi ni Mayor Ronnie Vicente Lagnada ang partnership sa mga ahensya aron makabenipisyo ang tanang mag-uuma sa mga programang gipatuman gikan sa national government. Ang kalihukan pinaagi sa pagtinabangay sa City Government sa Butuan pinaagi sa City Agriculture ug ubang local government unit, Department of Agriculture-Agricultural Training Institute kun DA-ATI, DA-Caraga, Philippine Rice Research Institute ug Philippine Coconut Authority.