Nadawat na sa Badminton International Champion nga si Thea Marie Pomar ang 550,000 pesos nga achievement incentives gikan sa LGU Butuan pinaagi sa City Sports Office asa hugtanung gisuportahan ni Mayor Ronnie Vicente Lagnada. Ang insentibo personal nga gikuha sa iyang igsoon gumikan kasamtangang anaa sa pagbansay si Pomar ngadto sa kauluhan isip pagpangandam sa laing komepetisyon sa international. Ang paghatag sa nasangpit nga insentibo subay sa SP Resolution No. 349-2022 nga gipangamahanan ni SK Federation President Cynth Zephanee Nietes uban sa suporta sa mga myembro sa sangguniang panlungsod nga giaprobahan ni Vice Mayor Lawrence Fortun ilawom sa SP Ordinance no. 6169-2020 nga gipangamahanan ni City Councilor Cromwell Nortega asa aprobado ni Mayor Lagnada. Kini isip suporta sa mga atleta sa gidalang dakong dungog sa syudad sa Butuan ug kini isip pag ila ug pagdayeg sa kalampusan ug kadaugan sa kompetisyon sa international. Mapasalamaton si Thea Marie Pomar sa suporta ni Mayor Lagnada ug sa tibook pwersa sa sangguniang panlungsod sa kadumalahan ni Vice Mayor Fortun sa iyang kalampusan ug sa salmutan nga laing kompetisyon. Gipaniguro ni Mayor Lagnada nga padayong masuportahan usab ang mga Butuanong atleta sa unsa mang salmutang kompetisyon aron dunay magamit panahon sa mga pagbansay ug sa mismong kompetisyon ug pinaagi niini makadasig usab kining kab-oton ang kadaugan nga gipasigarbo sa syudad sa Butuan.