Gipahigayon ang usa ka culmination ug awarding ceremony sa Karinderya para sa Healthy Pilipinas Project, sa Butuan Southville Hotel and Restaurant, miaging semana. Miabot sa 53 ka mga malnourished nga bata ang napili sa Department of Health Center for Health Development - Caraga kauban ang LGU-Butuan pinaagi sa City Health Department para na sa proyektong Karinderya Para sa Healthy Pilipinas Project. Gitagaan og pag ila ang Top 10 Most Improved Beneficiaries lakip na ang mga karinderya ug key stakeholders sa ilang kontribusyon ngadto na sa programa. Malampusong napahigayon ang programa tungod sa hiniusang paningkamut gikan sa barangay officials, stakeholders, nutrition scholars, ug Karinderya partners. Ang inisyatibo naghatag og nourishment, education, ug suporta sa pamilyang nanginahanglan. Sumala sa DOH-CHD CARAGA nga dako ang papel sa mga karinderya sa lugar. Usa sila sa nakita nga maghatag sa mas himsog nga komunidad pinaagi sa paghatag sa masustansya, abot-kaya, ug lami nga pag-kaon para sa tanan. Nakita usab nga positibo ang resulta ngadto na sa 53 ka kabataang benepisyaryo sa nasangpit nga programa. Gipakita sa City Health Department ang 120-day dietary supplementation accomplishment report nga nagpakita nga epektibo ang programa sa paglaban sa malnutrisyon tungod ni resulta kini sa improvement sa timbang sa mga bata. Tumong sa Karinderya para sa Healthy Pilipinas Project sa Butuan City nga batukan ang undernutrition sa mga kabataan sa syudad.