Gikalipay sa 51 eligible beneficiaries nga mga Senior Citizens ang nadawat nga tag 10,000 pesos nga cash gift gikan sa lokal nga panggamhanan sa Butuan miaging semana sa Person with Disability Affairs Office kun PDAO. Ang mga nag edad og 80,85, 90 ug 95 years old nakadawat sa tag 10,000 pesos sa ikaduhang batch sa payout sa cash gift sa pagpanguna sa city government sa Butuan pinaagi sa City Social Welfare and Development Department-Senior Citizens Office ug National Commission of Senior Citizens NCSC. Suportado kini ni City Councilor Cherry May Busa nga mipaabot sa iyang dakung kalipay ug mitimbaya sa mga kaigsoonang Senior Citizens nga miabot sa edad nga 80 anyos pataas. Si Nora Rama 85 ang edad nga taga Barangay Libertad ug si Perla Magno 85 ang edad nga taga Barangay Bayanihan parehong mipaabot sa dakong pasalamat sa atong panggobyerno nga gihatagan ang mga katigulangan og atensyon aron sa bisan nga ginagmay nga paagi natabangan kini sa pinansyal nga panginahanglan aron makapalit palit sa pang adlaw adlaw nga kinahanglan. Alang ni Perla Magno, magmalipayon kanunay ang sekreto nga mutaas pa ang kinabuhi. “Mugawas gyod kita sa atong panimalay kung kaya we have to mingle with other people.” Sumala ni Perla Magno Ang nasangpit nga programa pinasubay sa Expanded Centenarian Cash Gift Distribution ilawom sa RA 11982 o Expanded Centenarian Act.