Napuno ang lugar sa pahiyom ug kalipay dala sa singkwenta ka pares atol na sa natigayong Kasal ngani Butuan nga gipasiugdahan sa lokal nga panggamhanan sa Butuan pinaagi sa City Civil Registry Department kon CCRD sa may Pavilion at the Watergate. Mihatag og reflection sa panagminyo nga gikan sa bibliya ang Pastor and Director of Northeastern Mindanao Mission, Seventh day Adventist Church nga si Pastor Meljoie Ramos Pepito. Si Butuan City Mayor Ronnie Vicente Lagnada ang nahimung Officiating Official sa Kasal Ngani Butuan karong tuiga. Sila nabasbasan ug legal na nga mag uban isip magtiayon. Mapasalamaton ug malipayon sila Shaina Mae Dumaboc ug Harold Ortiz, nga taga Barangay Villakananga sa libreng kasal hatod sa lokal nga panggamhanan pinaagi sa City Civil Registry Department tungod legal na ilang panag-uban human sa unom ka tuig nga panag-ipon. Duna sab slicing of cake ug drinking of wine sa mag pares nga nag simbolo sa ilang panag-uban ug commitment sa matag-usa isip bana ug asawa. Personal sab nga gitunol sa mga Department Heads nga nag silbing witness sa Kasal Ngani Butuan ang mga regalo alang sa singkwenta ka paresan nga gikasal.