𝟱𝟬 𝗞𝗔 𝗠𝗚𝗔 𝗣𝗔𝗥𝗘𝗦𝗔𝗡 𝗠𝗔𝗞𝗔𝗕𝗘𝗡𝗘𝗣𝗜𝗦𝗬𝗢 𝗦𝗔 𝗠𝗔𝗦𝗦 𝗖𝗜𝗩𝗜𝗟 𝗪𝗘𝗗𝗗𝗜𝗡𝗚 𝗦𝗔 𝗟𝗚𝗨 𝗕𝗨𝗧𝗨𝗔𝗡
April 25 2023, Tuesday 09:09 AM
Ipahigayon sunod bulan ang Mass Civil Wedding sa pagpanguna sa lokal nga panggamhanan sa syudad pinaagi sa Office of the Civil Registrar.
Ang magpares nga sila Alibert Aranio ug Annaliza Baja usa sa 50 ka paresan nga nagpalista sa Office of the Civil Registrar. Onse ka tuig na silang nag ipon ug dunay upat ka anak.
Human nasayran ni Annaliza Baja nga dunay umaabot nga mass civil wedding dayon silang nagproseso sa mga rekisitos ug nipasa sa buhatan.
Admitado sila nga ang kakulangon sa pinansyal ang nag-unang rason nganong wala pa sila nakasal. Daku ilang kalipay sa higayon nga sila makasal nga libre. Daku sab ilang pasalamat kang Mayor Ronnie Vicente Lagnada sa pag hatag og ingon ani nga programa sa katawhan labi na sa mga dugay nang nag ipon.
Ang Mass Civil Wedding usa ka programa sa Lokal nga Panggamahanan sa Butuan pinaagi sa Office of the Civil Registrar nga naghatag og higayon sa mga dugay nang nag ipon nga mabasbasan ug mahimung legal na nga mag-uban.
Ipahigayon ang Mass Civil Wedding karong Mayo 11sa Inland Convention Hall.
Sa mga interesado iclick ang link aron makahibalo sa rekisitos https://www.facebook.com/photo/?fbid=599432198884042&set=a.224122633081669 o kaha bisita sa buhatan sa Civil Registrar's Office.
NEWS ARTICLES