"Kalipay gyud, perting lipaya nga nakasal na gyud me.” Kini ang pahayag nila Athea Pearl Baguio Acido ug Nicanor Palad Acido Jr. human sila nakabenipisyo sa libreng kasal atol sa natigayong Kasal ngani Butuan sa Almont Inland and Convention Hall, Agosto 1. Si Mr. and Mrs. Acido 15 ka tuig na nga nag ipon ug duna silay tulo ka anak. Admitado sila nga tungod sa kakulangon sa pinansyal rason nganong wala pa sila nakasal. Busa daku ilang pasalamat sa Lokal nga Panggamhanan, kay tungod sa programang libreng kasal nahatagan og tsansa ang mga dugay ng nag nag ipon nga legal na nga mag-uban nga sama nila. Usa lang sila sa 48 ka mag pares nga dungan nag “I DO” ug nakabenipisyo sa libre nga kasal nga gitanyag sa Lokal nga Panggamhanan sa Butuan pinaagi sa City Civil Registrar Office. "The Kasal ngani Butuan will be one chapter of wonderful love stories of our beautiful couples but I am certain that you will be able to create much happier chapters as you continue to write your stories together with your families, relatives and friends. Let your love story serve as an inspiration to others specially to your children so that you become co-builders of a society where compassion, respect, peace and unity prevail." mensahe ni City Vice Mayor Lawrence Lemuel Fortun pinaagi kang Konsehal Cherry May Busa. Ang City Civil Registrar Office nagapahigayon niini nga programa kaduha sa usa ka tuig. Nagtuo ang buhatan nga ang kasal pundasyon sa lig-on nga pamilya. Ug ang lig-on nga pamilya pundasyon sa lig-on nga katilingban. Human sa seremonya nakadawat ang 48 ka couples og regalo gikan sa Lokal nga Panggamhanan sa Butuan. Anaa ang presensya sa 16th Sangguniang Panlungsod Members, Atty. William Christian Dela Cruz isip representante ni Congressman Joboy Aquino II, mga kapitan sa barangay, ug mga hepe sa managlahing opisina sa Lokal nga Panggamhanan.