Gipailawom ang 42 nga Rice Farmers gikan sa nagkalain laing barangay sa syudad sa Field Day Cum Preferential Analysis under Nextgen Plus Project Rice Varietal Trial sa unang semester sa tuig 2023 nga gipahigayon sa Butuan City Rice Research Center kun BCRRC sa Barangay Los Angeles ning syudad. Ang Nextgen Plus Project usa sa inisyatibo nga gipatuman ilawom sa Rice Sector Strategy sa Philippine Department of Agriculture uban sa Philippine Rice Research Institute nga migamit sa mga bag-ong teknolohiya nga pamaagi sa plant breeding sama sa paggamit sa molecular biology, stratified multilocation testing ug ang pagpalambo sa computational power. Kini aron mahimong rice breeding ang nasud gumikan sa pagtinabangay sa DA-IRRI nga nagsugod tuig 2016 hangtud tuig 2021. Tinguha niini aron maila ang best performing nga mga variety sa humay nga mabuhi bisan sa pag atake sa mga peste ug sakit-sakit ug kaya nga makahatag sa maayong ani bisan pa kini anaa sa irrigated lowland ecosystem. Kini nga kalihukan ilawom sa rice self-sufficiency program sa paningkamot sa city government sa Butuan pinaagi sa City Agricultures Office sa pag-abag sa Department of Agriculture-Research Caraga aron matabangan ang mga mag-uuma sa pagpili ug pag adopt og maayo ug kalidad nga variety sa humay nga haum sa ilang area. Homan sa gipahigayong pag analisar sa mga variety sa humay nigawas nga dunay tulo ka variety ang dunay best performance nga gilangkuban sa NSIC Rc 512, NSIC Rc 506 ug ang NSIC Rc 508. Ang nasangpit nga aktibidad gipangunahan sa mga personahe sa City Agriculture Office ug DA-Research NextGen Plus Project.