Daghan sa mga aplikante sa Butuan City ug ubang dapit sa rehiyon Caraga ang hired on the spot sa natigayong Job Fair atol sa Labor Day celebration kagahapon sa Butuan ug ubang dapit sa rehiyon Caraga. 419 ang Hired on the Spot kun HOTS nga gipangunahan sa Department of Labor and Employment kun DOLE. Samtang 1,292 ka mga aplikante ang nipartisipar sa nasangpit nga aktibidad. Adunay mga pribado ug pampublikong employers nga nitanyag og sobra 6,000 ka job vacancies. Ang Hired on the Spot nga si Diane Deuna nga taga Esperanza Agusan Del Sur, nangapply isip teacher sa Technical Training Center. "Actually I did not expect that I will be hired on the spot and I don't know that there is such thing as hired on the spot. I'm happy and at the same time shock because of this opportunity,” sumala ni Diane Deuna. Si Deuna, 23 years old ug fresh graduate sa kursong Bachelor in English Education. Mapasalamaton sab siya sa DOLE sa gihatag nga oportunidad sa mga tao nga nangita og trabaho sama niya. Suportado sa Lokal nga Panggamhanan sa Butuan ang aktibidad nga nag hatag og trabaho sa katawhan. Nagtuo ang LGU Butuan nga pinaagi sa mga JOB Fair matabangan ang mga nangita og trabaho nga maka trabaho ug makatabang sa ilang pamilya.