Nagmalampuson ang natigayong 4th Quarter National Simultaneous Earthquake Drill kun NSED kagainang buntag sa City hall Building. Sumala ni City Disaster Risk Reduction and Management Office, Officer-in-Charge Mark July Yap atol sa evaluation nga dunay progress nga nakita atol sa drill. Nisunod ang mga empleyado sa duck, cover, and hold sa alarm phase sa earthquake drill asa nahimong usa sa mga kakulangon sa mga nilabay nga NSED. "Fundamental gyud nato nga concern sa NSED is ang tao. From the first to fourth nakita nato nga naa siyay improvement although dili siya perfect, but from the beginning naa gyuy hesitation ug resistance sa mga tao, disturbo sa trabaho, ma buwad sa init. Dili kay nila ma appreciate (ang NSED), on the later stage nakita nato nga ni cooperate na sila, naa na sa ilang willingness to perform. Kay sauna katawa-katawa raman, karon is a much more serious especially nakita nila nga nagka complex ang scenario,” sumala ni Mark July Yap, CDRRMO OIC. Standard nga Magnitude sa NSED ang gisunod sa CDRRMO nga Magnitude 7.5 nga linog subay na sa gihatag sa Philippine Institute of Volcanology and Seismology kun PHIVOLCS. Wala lang nag pokus ang buhatan sa groundshaking kundi lakip ang epekto niini sama sa pagkahugno sa mga imprastraktura, pagka trap sa mga biktima, ug posible nga sunog. Dunay mga gi-rescue nga injured, ug mga gipang rescue pinaagi sa rappelling tungod natrap sa 3rd floor building. Dali sab gi-respondehan ang sunog sa gawas nga bahin sa building sa cityhall. Dili ikalimod nga tungod sa ginapahigayon nga NSED naugmad ang katakos sa mga responder ug naka tatak na sa mga empleyado sa Cityhall nga ang pagpahigayon niini dakong tabang para maandam ang kaugalingon ug makahibalo na unsay buhaton kung ugaling dunay kusog nga linog. Gipasalamatan sab niya ang mga first aid responder nga naggikan sa managlahing opisina sa Lokal nga Panggamhanan sa Butuan tungod sa gipakita nilang interes pag-abot sa pag responde ug sa pag-apil sa mga training para mahimo silang kwalipikado niini. Apil sab gipasalamatan ni Yap ang managlahing ahensya nga nahimong partner nila sa karon nga NSED, gilangkuban kini sa BFP, BCPO, Reserved Command of Philippine Army, PDRRMO of Agusan Del Norte, Philippine Red Cross, ug uban pa.