Gipangunahan sa Butuan City Project Monitoring Committee kun BCPMC ang gipahigayong 4th Quarter 2024 Field Monitoring sa mga gipatumang mga infrastructure projects sa dakbayan sa Butuan. Nag-una sa monitoring ang mga proyektong Command Center ug South Supermarket apil sab ang site development niini nga nahimutang sa Barangay Villa Kananga ning syudad. Gitan-aw sab sa committee ang mga proyektong road concreting sa pipila ka barangay. Ang nasangpit nga monitoring nagtinguhang makita ug masayran ang development sa proyekto sama sa pagkuha sa standard, quality ug timely completion. Pinaagi sab niini nga kalihukan makasigurong mas mapalambu ug mapadako pa ang nahatag nga serbisyo sa komunidad.