Pormal nang giturn over kagahapon ang 3 Classroom School Building sa Dulag Elementary School nga gipangunahan nila Mayor Ronnie Vicente Lagnada ug DILG Usec Marlo Iringan. Personal nga gitunol ni Mayor Lagnada ang yawe kang Dulag Elementary School, School Head Joseph Calizo uban ni Dulag Punong Barangay Darling Amoy kauban si DILG Usec. Iringan ug gisaksihan sa mga kadagkuan sa DepEd sa pagpanguna ni School Division Superintendent Dr. Minerva Albis, Atty. William Dela Cruz isip representative ni Congressman Jose S. Aquino II, City DILG Charissa Guerta, ug 23rd IB Philippine Army Battalion Commander LtCol.Jeffrey Balingao. Nagpasalamat si DILG Usec. Iringan sa mga opisyales sa barangay nga maoy nagpadayag sa nag-unang gikinahanglan sa barangay aron mao kini ang tutukan ug punduhan sa gobyerno pinaagi usab sa suporta sa mga lokal nga panggamhanan. Samtang nagpasalamat usab si Mayor Lagnada kang DILG Usec. Iringan nga miuban ug mibisita sa Barangay Dulag aron makita ang dakung kausaban sa mga barangay nga gihatagag igong pagtagad pinaagi sa gipadagayday nga pondo alang sa dugang pagpalambu sa inprastraktura. Mipaabot usab sa dakong pasalamat si School Division Superintendent Albis kang Mayor Lagnada, DILG ug sa tanang nagpaluyo nga matuman nga madugangan ang school buildings asa dakong tabang sa mga kabataan nga anaa lamang nagklase sa ilawom sa kahoy ug anaa sa mga covered court. Mipaabot si Dulag Elementary School Head Joseph Calizo sa iyang dakung pagdayeg ug pasalamat kang Mayor Lagnada ug kang DILG Usec Iringan sa gihatag nga bag-ong school building uban sa panghinaut ug naghangyo nga madugangan pa kini aron wala nay magklase gawas sa classroom tungod usab sa nagkataas nga ihap sa enrollees. Ang proyekto gipunduhan sa DILG pinaagi sa NTF-ELCAC nga gipatuman sa City Engineers Office pinaagi sa LGSF Barangay Development Program ilawum sa direktiba ni Mayor Lagnada. Gawas sa School building hapit na usab maturn-over sa barangay Dulag ang bag-uhay lang nahuman nga farm-to-market road ilawom usab sa NTF-ELCAC program asa unang makabenipisyo niini ang mga mag-uuma.