Nakadawat sa indemnity check ang 382 rice ug corn farmers sa Butuan City nga gipangunahan mismo sa mga personahe sa Philippine Crop Insurance Corporation kun PCIC. Nakadawat sa indemnity check ang mga mag-uuma human naapektuhan sa pagbaha ang mga tanum nga humay ug mais adtong bulan sa Disyembre tuig 2022 hangtud Enero tuig 2023 nga cropping season. Magdepende usab sa damyos sa tanum ang kantidad sa checke nga madawat sa matag mag-uuma. Ang City Agriculture Office ang mag certify ug magmonitor sa mga tanum sa mga mag-uuma uban sa pag abag sa Department of Agriculture. Mukabat sa 4,247,076.00 pesos ang kantidad sa na apod-apod nga indemnity check sa mga Rice ug Corn Farmers sa syudad. Gihingusgan ni Mayor Ronnie Vicente Lagnada nga padayon ang partnership sa ubang ahensya aron masigurong makuha sa mga mag-uuma sa syudad sa Butuan ang suporta nga gikinahanglan alang sa pagpadayon sa pag ugmad sa kaumahan.