Miabot sa 613 ka aplikante ang nag parehistro ug niapil sa gipahigayong job fair sa SM City Butuan miaging semana. Traintay singko niini Hired on the Spot. Usa lang si Sheila Mae Esdrilon nga hired on the spot sa Diverse Global Realty isip Real Estate Agent. Si Esdrilon, usa ka bulan na kapin nangita og trabaho human siya miuli gikan sa Pasig. "Daghan kaayong salamat sa opportunities nga gihatag sa mga job seekers, thank you kaayo kay tungod ani nakakuha ko ani nga opportunity,” pahayag ni Sheila Mae Esdrilon, Hired on the Spot. Si Esdrilon, 27 anyos ug taga Barangay Libertad ning syudad. Ang Job Fair gipangunahan sa City Employment Service Department kauban sa The Rotary Club Butuan District 3860 ug Department of Labor and Employment sa 3rd Level sa SM City Butuan.