Nang apud apod ang lokal nga panggamhanan sa Butuan pinaagi sa City Agriculture and Veterinary Department og Inbred Rice Seeds sa nagkadaiyang Rice Farmers sa dakbayan sa Butuan. Kini tungod nakatakda na usab ang ikaduhang cropping season sa kasamtangang tuig. Anaa sa kinatibuk-ang 10,732 certificates sa inbred rice seeds bags ang gipanghatag sa 3500 rice farmers pinaagi sa clustering nga paagi aron sayon ang pagkuha niini. Gipahugtan ni Mayor Ronnie Vicente Lagnada ang partnership sa Department of Agriculture-PhilRice pinaagi sa Rice Competitiveness Enhancement Program RCEF aron masuportahan ang mga mag-uuma sa farm inputs sama sa seeds ug fertilizers sa ingon madasig kini sa pagpadako sa rice production alang sa food security sa syudad sa Butuan ug sa tibook rehiyon Caraga.