Gipailawom sa lima ka adlaw nga Basic Course Training ang traintay tres ka bag-ong BNS sa syudad sa Grand Palace Hotel and Restaurant, miaging semana. Ang mga bag-ong BNS gihatagan og kahibalo para sa epektibo nga pagbuhat sa ilang trabaho sa pag implementa sa mga nutrition program sa ilang matag barangay ug pag identipika ug monitor sa mga malnourished ug pag refer niini sa tukma nga service provider. Personal nga nahimong resource speaker si Dr. Niño Archie Labordo, Regional Nutrition Program Coordinator sa NNC Caraga nga gihingusgan nga mas mapalambo ang health and nutrition sa komunidad. Mahinungdanon nga mapa ilawom ang mga BNS sa pagbansay tungod mandato Sa Presidential Decree No. 1569 o Ang Strengthening The Barangay Nutrition Program By Providing For A Barangay Nutrition Scholar In Every Barangay, Providing Funds Therefor, And For Other Purposes, nga ang kada barangay mag monitor sa estado sa mga bata ug aktibo nga makigtambayayong sa nutrition ug related service providers. Ang Basic Course Training gipangunahan sa National Nutrition Council Caraga katambayayong ang Department of Health - Caraga ug Lokal nga Panggamhanan pinaagi City Health Office - Nutrition Division.