Migradwar na ang 30 ka mga Butuanon sa napulo ka adlaw nga extensive nga pagbansay kabahin sa Vegetable Production ug Greenhouse Facility Management nga nagsugod adtong Disyembre singko hangtud kinse miaging tuig. Ang nasangpit nga pagbansay gilangkuban sa land preparation, crop requirement, seedling production ug transplanting, cultural management practices, pest management, organic agriculture, nutrient management, greenhouse facility management, harvesting ug post-harvesting management. Ang mga Butuanong migradwar sa nasangpit nga pagbansay kwalipikado nang mo apply abroad isip seasonal farm worker. Ang gipahigayong pagbansay gipangunahan sa City Agriculture and Veterinary Department.