𝟯𝗥𝗗 𝗤𝗨𝗔𝗥𝗧𝗘𝗥 𝗠𝗔𝗡𝗔𝗚𝗘𝗠𝗘𝗡𝗧 𝗖𝗢𝗠𝗠𝗜𝗧𝗧𝗘𝗘 𝗠𝗘𝗘𝗧𝗜𝗡𝗚, 𝗚𝗜𝗣𝗔𝗡𝗚𝗨𝗡𝗔𝗛𝗔𝗡 𝗡𝗜 𝗠𝗔𝗬𝗢𝗥 𝗥𝗖𝗟
September 27 2023, Wednesday 09:26 AM
Malampusong napahigayon ang 3rd Quarter Management Committee Meeting kagahapon sa City Mayors Office Conference Room 2 sa pagpanguna ni Mayor Ronnie Vicente Lagnada uban nila City Councilor Rey Desiata ug City Councilor Cherry May Busa, mga Department Heads sa city government sa Butuan ug ni City Administrator Atty. Joseph Ian Sabado.
Kinahanglan ang panagtigum aron mahisgutan ug masayran ang updates o kabag-uhan sa Budget Submission sa tuig 2024, updates sa early procurement activities ug ang reorganization sa mga buhatan sa city government sa Butuan alang sa epektibo ug epesyenting paghatag og serbisyo sa katawhan.
Sa maong panagtigum usa-usa nga gitan-aw ug gisusi ni Mayor Lagnada ang gibuhat nga kabag-uhan sa sistema ilabina ang pagdumala sa mga supplies ug ekipo pinaagi sa City General Services Office ug City Procurement Services Office, operations ug tambal sa Butuan Medical Center, reorganization pinaagi sa City Human Resource Management office ug ang pagdumala sa pondo sa syudad pinaagi sa City Budget Office.
Buot ni Mayor Lagnada ang klaro ug malungtaron nga paghatag sa serbisyo sa katawhan hinungdan gitutukan niini ang saktong plano alang sa ipatumang mga programa ug proyekto sa mosunod nga mga katuigan pinaagi sa tabang sa mga buhatan sa city government sa Butuan aron dili mausik ang kwarta sa katawhan nga anaa sa panudlanan sa gobyerno.
NEWS ARTICLES